ໂຄງປະກອບການຈັດຕັ້ງ

ໂຄງປະກອບກົງຈັກ

ກົມຮ່ວມມືກັບຕ່າງປະເທດປະກອບມີ 4 ພະແນກ ແລະ 2 ຫ້ອງການ ຄື:

1. ພະແນກບໍລິຫານ ແລະ ຄົ້ນຄວ້າ-ສັງລວມ;

2. ພະແນກຮ່ວມມືສອງຝ່າຍ;

3. ພະແນກຮ່ວມມືຫຼາຍຝ່າຍ;

4.ພະແນກສົນທິສັນຍາ ແລະ ຮ່ວມມືກັບອົງການຈັດຕັ້ງສາກົນ;

5. ຫ້ອງການຄະນະກໍາມາທິການແຫ່ງຊາດລາວ ເພື່ອອຸຍແນສໂກ;

6. ຫ້ອງການຕ້ານສານຕ້ອງຫ້າມໃນກິລາແຫ່ງຊາດລາວ.

ໂຄງປະກອບບຸກຄະລະກອນ

ກົມຮ່ວມມືກັບຕ່າງປະເທດ ມີໂຄງປະກອບບຸກຄະລາກອນ ດັ່ງນີ້:

1.ຫົວຫນ້າກົມ 01 ທ່ານ, ຮັບຜິດຊອບຕໍ່ລັດຖະມົນຕີ ແລະ ຮອງລັດຖະມົນຕີກະຊວງ ຊຶ່ງມີຫນ້າທີ່ ແລະ ຂອບເຂດສິດ ຕາມທີ່ກໍານົດໄວ້ໃນ ມາດຕາ 3 ແລະ ມາດຕາ 4 - ຂອງຂໍ້ຕົກລົງສະບັບນີ້;ໃນເວລາຫົວຫນ້າກົມ ຕິດຂັດຕ້ອງມອບສິດໃຫ້ຮອງຫົວຫນ້າກົມ ທ່ານໃດຫນຶ່ງຮັກສາການແທນ.

2. ມີຮອງຫົວຫນ້າກົມຈໍານວນຫນຶ່ງ ຊ່ວຍຫົວຫນ້າກົມ ໃນການຊີ້ນໍາວຽກງານຂອງຕົນ, ຮັບຜິດຊອບວຽກ ງານໃດຫນຶ່ງ ຕາມການມອບຫມາຍຂອງ ຫົວຫນ້າກົມ ແລະ ຮອງຫົວຫນ້າກົມ ເປັນຜູ້ຮັກສາການແທນ ໃນເວລາຫົວຫນ້າກົມຕິດຂັດ ພ້ອມທັງ, ລາຍງານວຽກງານທີ່ໄດ້ຈັດຕັ້ງປະຕິບັດໃນໄລຍະຮັກສາການ ແທນນັ້ນ ໃຫ້ຫົວຫນ້າກົມ ພາຍຫຼັງກັບມາປະຈໍາການ;

3. ຫົວຫນ້າພະແນກ/ຫ້ອງການ, ຮອງຫົວຫນ້າພະແນກ/ຫ້ອງການ ແລະ ລັດຖະກອນວິຊາການ ຈໍານວນຫນຶ່ງ ຮັບຜິດຊອບວຽກງານ ຕາມການກໍານົດຕໍາແຫນ່ງງານ ທີ່ຂັ້ນເທິງອະນຸມັດ.

ສໍາລັບການບັນຈຸ, ສັບຊ້ອນ, ແຕ່ງຕັ້ງ, ຍົກຍ້າຍ ຫຼື ປົດຕໍາແຫນ່ງ ແມ່ນປະຕິບັດຕາມກົດຫມາຍແລະ ລະບຽບການ.