ໂຄງປະກອບການຈັດຕັ້ງ

ໂຄງປະກອບກົງຈັກ

ກົມຮ່ວມມືກັບຕ່າງປະເທດປະກອບມີ 4 ພະແນກ ແລະ 2 ຫ້ອງການ ຄື:

1. ພະແນກບໍລິຫານ ແລະ ຄົ້ນຄວ້າ-ສັງລວມ;

2. ພະແນກຮ່ວມມືສອງຝ່າຍ;

3. ພະແນກຮ່ວມມືຫຼາຍຝ່າຍ;

ໝວດທີ 5

ມາດຕາ 13 ຫຼັກການ

ຫຼັກການ ແລະ ແບບແຜນວິທີເຮັດວຽກ

ກົມຮ່ວມມືກັບຕ່າງປະເທດ ເຄື່ອນໄຫວວຽກງານ ຕາມຫຼັກການດັ່ງນີ້:

1. ປະຕິບັດຫຼັກການລວມສູນປະຊາທິປະໄຕ, ຕົກລົງເປັນຫມູ່ຄະນະ ກ່ຽວກັບບັນຫາລວມຂອງກົມ;

2. ປະຕິບັດລະບອບຫົວຫນ້າດຽວ, ແບ່ງງານໃຫ້ບຸກຄົນຮັບຜິດຊອບຢ່າງຈະແຈ້ງ ແລະ ເສີມຂະຫຍາຍ ຫົວຄິດປະດິດສ້າງ ຂອງພະນັກງານ-ລັດຖະກອນ ທຸກລະດັບ;

3. ທຸກການເຄື່ອນໄຫວ ຂອງກົມຮ່ວມມືກັບຕ່າງປະເທດ ແມ່ນອີງໃສ່ ລະບຽບກົດຫມາຍ, ລະບຽບການ, ຫຼັກການລວມຂອງລັດຖະບານ, ນໍາເອົາແນວທາງນະໂຍບາຍຂອງພັກ ແລະ ລັດຖະບານ ມາຈັດຕັ້ງຜັນ ຂະຫຍາຍໃຫ້ໄດ້ຮັບຜົນດີ.

ມາດຕາ 14 ແບບແຜນວິທີເຮັດວຽກ

ກົມຮ່ວມມືກັບຕ່າງປະເທດມີແບບແຜນວິທີເຮັດວຽກດັ່ງນີ້:

1. ເຮັດວຽກມີ ແຜນການ, ແຜນງານ ແລະ ໂຄງການລະອຽດ, ແກ້ໄຂວຽກງານຢ່າງມີຈຸດສຸມ ແລະ ເປົ້າຫມາຍ ໃນແຕ່ລະໄລຍະ, ປະສານສົມທົບຢ່າງແຫນ້ນແຟ້ນກັບພາກສ່ວນທີ່ກ່ຽວຂ້ອງ ເພື່ອຮັບປະກັນ ການຈັດຕັ້ງປະຕິບັດ ວຽກງານຮ່ວມມືກັບຕ່າງປະເທດ ໃຫ້ໄດ້ຮັບຜົນດີ;

2. ເຮັດວຽກມີການກວດກາ, ຕິດຕາມ, ຊຸກຍູ້, ສະຫຼຸບຖອດຖອນບົດຮຽນ ແລະ ຕີລາຄາຜົນໄດ້ຮັບ-ຜົນ ເສຍ ພ້ອມທັງລາຍງານສ່ອງແສງຢ່າງເຂັ້ມງວດ;

3. ປະຕິບັດລະບອບປະຊຸມປະຈໍາເດືອນ, 3 ເດືອນ, 6 ເດືອນ, ປະຈໍາປີ ແລະ ປະຕິບັດລະບອບລາຍງານ ໃຫ້ຂັ້ນເທິງ ເປັນປົກກະຕິ.

ໜ້າທີ່ ແລະ ຂອບເຂດສິດ

ກົມຮ່ວມມືກັບຕ່າງປະເທດ ມີຫນ້າທີ່ ດັ່ງນີ້:

1. ຜັນຂະຫຍາຍແນວທາງນະໂຍບາຍ, ກົດລະບຽບ, ມະຕິ, ຄໍາສັ່ງຂອງພັກ, ກົດຫມາຍຂອງລັດ, ທິດທາງ, ແຜນການ ແລະ ຍຸດທະສາດຂອງກະຊວງສຶກສາທິການ ແລະ ກິລາ ແລະ ຜັນຂະຫຍາຍຍຸດທະສາດ ຂອງອົງການສະຫະປະຊາຊາດ ເພື່ອການສຶກສາ, ວິທະຍາສາດ ແລະ ວັດທະນະທໍາ ເພື່ອສ້າງເປັນແຜນ ພັດທະນາວຽກງານຮ່ວມມືກັບຕ່າງປະເທດ;
2. ສ້າງ ແລະ ປັບປຸງນິຕິກໍາຕ່າງໆ ເພື່ອບໍລິຫານຄຸ້ມຄອງວຽກງານຮ່ວມມືກັບຕ່າງປະເທດ;
3. ໂຄສະນາ ແລະ ເຜີຍແຜ່ ແນວທາງນະໂຍບາຍ, ກົດຫມາຍ ແລະ ລະບຽບການກ່ຽວກັບວຽກງານການ ຕ່າງ ປະເທດຂອງ ສປປ ລາວ, ເຜີຍແຜ່ຍຸດທະສາດ ແລະ ແນວຄວາມຄິດຂອງອົງການອຸຍແນສໂກ ທີ່ກ່ຽວກັບວຽກງານ ສຶກສາ, ວິທະຍາສາດ, ວັດທະນະທໍາ, ຂໍ້ມູນຂ່າວສານ ແລະ ຜົນສໍາເລັດ ຂອງອົງການຈັດຕັ້ງສາກົນ ທັງພາຍໃນ ແລະ ຕ່າງປະເທດ;

4. ຄົ້ນຄວ້າ ແລະ ກະກຽມເນື້ອໃນເອກະສານຮ່າງສັນຍາ, ອານຸສັນຍາ, ບົດບັນທຶກຄວາມເຂົ້າໃຈ ແລະ ບົດບັນທຶກຂໍ້ຕົກລົງເຊັນສັນຍາກ່ຽວກັບການຮ່ວມມືດ້ານການສຶກສາ, ວິທະຍາສາດ, ກິລາ, ວັດທະນະທໍາ, ຂໍ້ມູນຂ່າວສານ ແລະ ການສື່ສານກັບຕ່າງປະເທດ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາ;

5. ປະສານງານ, ພົບປະ, ເຈລະຈາ ແລະ ຮ່ວມມື ດ້ານການສຶກສາ, ວິທະຍາສາດ, ກິລາ, ວັດທະນະທໍາ, ຂໍ້ມູນຂ່າວສານ ແລະ ການສື່ສານ ກັບບັນດາກະຊວງ, ອົງການທຽບເທົ່າກະຊວງ, ຄູ່ຮ່ວມພັດທະນາ, ອົງການຈັດຕັ້ງສາກົນ ແລະ ອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ;

6. ຮ່ວມກັບພາກສ່ວນຕ່າງໆພາຍໃນກະຊວງສຶກສາທິການ ແລະ ກິລາ ເພື່ອຄົ້ນຄວ້າ, ຄັດເລືອກ ແລະ ຂໍອະນຸມັດໃຫ້ພະນັກງານ-ລັດຖະກອນ, ນັກຮຽນ, ນັກສຶກສາ ແລະ ນັກກິລາ ຂອງຂະແຫນງການສຶກສາທິການ ແລະ ກິລາ ເພື່ອເຂົ້າຮ່ວມຝຶກອົບຮົມໄລຍະສັ້ນ, ໄລຍະຍາວ ແລະ ເຄື່ອນໄຫວວຽກງານທາງລັດຖະການຢູ່ຕ່າງປະເທດ;

7.  ຄຸ້ມຄອງ ແລະ ອໍານວຍຄວາມສະດວກທາງການ ໃຫ້ແກ່ຊ່ຽວຊານ, ນັກຄົ້ນຄວ້າ, ອາສາສະຫມັກ, ຄູຝຶກ, ນັກຮຽນ, ນັກສຶກສາ ແລະ ນັກກິລາຕ່າງປະເທດ ທີ່ມາປະຕິບັດງານ, ປະຊຸມສໍາມະນາ, ສຶກສາ, ຝຶກອົບຮົມ, ແຂ່ງຂັນດ້ານການສຶກສາ, ວິທະຍາສາດ ແລະ ກິລາ ຢູ່ ສປປ ລາວ;

8.  ຄົ້ນຄ້ວາ ແລະ ປະກອບຄໍາເຫັນຕໍ່ການສ້າງຕັ້ງສະມາຄົມ ແລະ ມຸນນິທິ ເພື່ອນໍາສະເຫນີພາກສ່ວນ ທີ່ກ່ຽວຂ້ອງອະນຸມັດ ຕາມກົດຫມາຍ ແລະ ລະບຽບການ;

9. ຮ່ວມມື ແລະ ປະສານງານກັບບັນດາ ຫ້ອງການ, ກົມ, ອົງການລັດທຽບເທົ່າກົມ, ສູນ, ສະຖານການ ສຶກສາຂອງຂະແຫນງການສຶກສາ, ວິທະຍາສາດ ແລະ ກິລາ, ການຈັດຕັ້ງກິລາ-ກາຍຍະກໍາທາງສັງຄົມ, ສາກົນໃນການຄຸ້ມຄອງລະບົບຖານຂໍ້ມູນການອົງການຕ້ານສານຕ້ອງຫ້າມລະດັບພາກພື້ນ ແລະ ສາກົນໃນການຄຸ້ມຄອງລະບົບຖານຂໍ້ມູນການ ແລະ ບໍລິຫານ-ຈັດການວຽກງານຕ້ານສານຕ້ອງຫ້າມ, ເຜີຍແຜ່ໃຫ້ຄວາມຮູ້ກ່ຽວກັບວຽກງານຕ້ານສານຕ້ອງຫ້າມ ແລະ ກວດສານຕ້ອງຫ້າມໃນກິລາ;

10.  ສ້າງຄວາມເຂັ້ມແຂງກ່ຽວກັບວຽກງານຮ່ວມມືກັບຕ່າງປະເທດ ໃຫ້ແກ່ຜູ້ບໍລິຫານ ແລະ ພະນັກງານ- ລັດຖະກອນຂອງຂະແຫນງການສຶກສາທິການ ແລະ ກິລາ ໂດຍປະສານສົມທົບກັບພາກສ່ວນທີ່ ກ່ຽວຂ້ອງ ຕາມການແບ່ງຂັ້ນຄຸ້ມຄອງ;

11. ສ້າງ ແລະ ປັບປຸງ ລະບົບຖານຂໍ້ມູນກ່ຽວກັບວຽກງານຮ່ວມມືກັບຕ່າງປະເທດ;

12. ພົວພັນ ແລະ ປະສານງານກັບຫ້ອງການ, ກົມ, ອົງການເທົ່າກົມ, ສະຖາບັນ, ສູນ, ອົງການຈັດຕັ້ງສາກົນ ແລະ ອົງການຈັດຕັ້ງຕ່າງໆ ທັງພາກລັດ ແລະ ເອກະຊົນ ຕາມການມອບຫມາຍຂອງຂັ້ນເທິງ;

13. ກວດກາ, ຕິດຕາມ ແລະ ປະເມີນຜົນ ພ້ອມທັງສະຫຼຸບ ແລະ ລາຍງານການຈັດຕັ້ງປະຕິບັດວຽກງານ ຂອງຕົນ ໃຫ້ຂັ້ນເທິງ ເປັນປົກກະຕິ;

14. ປະຕິບັດຫນ້າທີ່ອື່ນ ຕາມການມອບຫມາຍຂອງລັດຖະມົນຕີ.